चितवन, १६ भदौ ।
चितवनको लदरी खोलामा डुबेर आज तीन जनाको मृत्यु भएको छ । खैरहनी– २ मा पर्ने लदरी खोलामा पौडी खेल्दा डुबेर तीन जनाको मृत्यु भएको हो ।
भरतपुर उपमहानगरपालिका–१२ की १३ वार्षकी सुनिया खातुन, वडा नम्बर १० का १७ वर्षका सहवाद आलम र खैरहनी नगरपालिका–८ की १४ वर्षकी आयुसा खातुनको ज्यान गएको जिल्ला प्रहरी कार्यालय चितवनले जनाएको छ ।
प्रहरीका अनुसार बुधबार बिहान ११ बजेतिर खोलामा पौडी खेल्न गएका उनीहरु डुबेका थिए । त्यस्तै कपिलवस्तुको वाणगंगा सिंचाई प्रणाली नहरमा डुबेर एकै घरका दुई बालिकाको मुत्यु भएको छ ।
निग्लिहवा गाविस ९ का युसुब अंसारीका छोरीहरु ३ वर्षकी अफ्रिन र ७ महिनाकी यसमिनको नहरमा डुबेर आज मूत्यु भएको प्रहरीले जनाएको छ ।
बिहान करिब ९ बजेतिर नहरमा कपडा धुने क्रममा आमा ताहेरा खातुनसंगै रहेकी ७ महिनाकी बालिका डुबेपछि उनलाई बचाउन खोज्दा अर्की छोरी अफ्रिनको पनि डुबेर मुत्यु भएको प्रहरीले जनाएको छ ।
