काठमाण्डौ,१६ भदौ ।
कैलालीको टिकापुरमा भदौ ७ गते एसएसपी लक्ष्मण न्यौपाने सहित ८ सुरक्षाकर्मी र एक बालकको ज्यान जाने गरी भएको घटना छानविनका लागि सरकारद्वारा गठित छानविन समितिको टोली आज कैलाली पुगेको छ ।
छानविन समिति संयोजक एवं राष्ट्रिय अनुसन्धान विभागका पूर्वप्रमुख देवीराम शर्मा नेतृत्वको टोली कैलाली सदरमुकाम धनगढी पुगेको हो । धनगढीमा आज स्थानीय प्रशासन र सुरक्षा निकायका प्रमुखहरुसँग भदौ ७ मा भएको टीकापुर घटनाबारे छलफल संयोजक शर्माले जानकारी दिनुभयो ।
उहाका अनुसार टोली आज टीकापुर पुगी भोलीदेखि घटनास्थलको अवलोकन, पीडितलगायत विभिन्न पक्षसँग जानकारी लिइ अनुसन्धान गर्ने छ । टोलीमा अतिरिक्त प्रहरी महानिरीक्षकद्वय जीवन थापा र प्रताप थापा, राष्ट्रिय अनुसन्धान विभागका अतिरिक्त मुख्य अनुसन्धान निर्देशक गणेश अधिकारी र गृह मन्त्रालयका सहसचिव विनोद केसीरहेको रहनु भएको छ ।
सरकारले यही भदौ ८ गते टीकापुर घटना छानविनका लागि पाँच सदस्यीय समिति गठन गरेको थियोे ।
