काठमाडौ १६ भदौ ।
बैक तथा वित्तीय संस्थाले कर्जा लगानीका लागि सेवा क्षेत्रलाई प्राथमिकता दिएका छन् ।
उर्जा संकट लगायतका समस्याले उत्पादनमुलक क्षेत्रले अपेक्षाकृत प्रगति हासिल गर्न नसकेपछि बैंक तथा वित्तीय संस्थाको लगानी आकर्षण सेवा क्षेत्रतिर बढेको हो ।
लगानी कर्ताको प्राथमिकता परिवर्तनसँगै बैंक तथा वित्तीय संस्थाको कर्जा लगानी सेवा क्षेत्रमा बढेको नेपाल बैकर्स संघका अध्यक्ष उपेन्द्र पौडेलले बताउनु भयो ।
नेपाल राष्ट बैंकका अनु्सार बैंक तथा वित्तीय संस्थाले आर्थिक वर्ष २०७१/७२ सम्ममा विभिन्न क्षेत्रमा १३ खर्ब रुपैंया कर्जा प्रवाह गरेका छन् । यसमध्ये एक खर्ब रुपैयाँ कर्जा सेवा क्षेत्रमा मात्र प्रवाह भएको छ ।
सेवा क्षेत्रमा आर्थिक वर्ष २०७०/७१ मा ८७ अर्ब रुपैयाँ कर्जा प्रवाह भएको थियो भने अर्थिक वर्ष ६९/७० मा ७१ अर्ब रुपैयाँ कर्जा प्रवाह भएको थियो । उत्पादनमुलक क्षेत्रमा सिमेन्ट उद्योग बाहेक अन्य क्षेत्रमा कर्जा प्रवाह स्थिति सन्तोषजनक नरहेको पौडेलको भनाई छ ।
सेवा क्षेत्रका उद्योगमा होटलसँगै ट्राभल, ट्रेकिङ, अस्पताल तथा शिक्षा क्षेत्रमा पनि बैक तथा वित्तीय संस्थाको कर्जा लगानी बढेको छ ।
