काठमाडौं, १५ भदौ ।
नेपाली काँगे्रस कार्यसमितिको बैठक आज बस्दै । विहान ८ बजे संविधानसभा भवन नया वानेश्वरमा बस्ने बैठकमा संविधान संशोधन गरेर महाधिवेशनको मिति सार्ने विषयमा छलफल गर्न काँगे्रस केन्द्रिय सदस्य नविन्द्रराज जोशीले जानकारी दिनुभयो ।
काँग्रेसले अन्तरिम संविधान संशोधन गरेर पार्टी अधिवेशन ६ महिना पर सार्ने गरि आन्तरिक तयारी गरेको छ । आज बस्ने केन्द्रिय कार्यमितिको बैठकमा महाधिवेशनको मिति सार्ने र समसामयिक राजनीतिक विषयमा छलफल हुने जोशीले बताउनुभयो ।
भदौ सत्र गतेदेखि गाँउ, नगर र वडा अधिवेशन तोकेको काँग्रेसले नयाँँ संविधानको विधायकमा ६ महिना म्याद थप गर्न पाउने व्यवस्था गरेपछि महाधिवेशनको प्रकृया नै रोकिएको थियो । तर नयाँ संविधान तत्काल जारी हुने सम्भावना न्युन भएपछि महात्रिवेशन अन्यौलमा परेको हो ।
अन्तरिम संविधानमा निर्वाचन आयोगमा दर्ता हुने कुनै पनि दलले बढिमा पाँच बर्षभित्र केन्द्रिय सदस्य र पदाधिकारीहरुको चयन निर्वाचनमार्फत गर्नुपर्ने व्यवस्था छ ।
काँग्रेसले पार्टीको विधानअनुसार चारबर्षे कार्यकाल गत असोज ५ गते नै पुरा गरि एक बर्ष म्याद थपेको थियो । संविधान अनुसार असोज ५ गते अधिवेशन नभए काँग्रेस अवैधानी मानीने छ ।
