काठमाडौ १४ भदौ ।
प्रदेश सिमांकनप्रति असन्तुष्टी जनाउदै संयुक्त मगर मन्च र नेपाल मगर संघले आह्वान गरेको चार अन्चल बन्दका कारण बिहानैबाट त्यस क्षेत्रको जनजीवन प्रभावित बनेको छ ।
बन्दका कारण ती क्षेत्रमा लामो तथा छोटो दुरीका सवारी साधन सन्चालनमा आउन सकेका छैनन् भने शिक्षण संस्था तथा बजार पसल ठप्प रहेका छन् ।
दलहरुले प्रदेशको सिमांकन गर्दा मगरहरुको सघन बस्तीलाई छिन्न भिन्न बनाएर बिना आधार सात प्रदेशको खाका तयार पारिएको भन्दै विरोध स्वरुप धौलागिरी, लुम्बिनी, राप्ती र गण्डकी अञ्चलका विभिनन जिल्लामा बन्दको आहृवान गरिएको मगर संघ गुल्मीका अध्यक्ष श्रीप्रसाद भलामीले बताउनु भयो ।
पाल्पा, गुल्मी, अर्घाखाँची, तनहुँ, बाग्लुङ, स्याङजा, कास्की, लमजुङ, गोरखा, म्याग्दी, पर्वत, रोल्पा, रुकुम, प्युठान, दाङ, डोल्पा लगायत मगर बाहुल्यता रहेको जिल्लाहरु बन्दको प्रभाव परेको छ ।
