काठमाडौं, १३ भदौ ।
सरकारले निर्वाध रुपमा गाडी चलाउन यातायात व्यवसायीसँग आग्रह गरेको छ । बन्दका कारण राजमार्गमा दिउँसो गाडी चलाउन समस्या भैरहेको भन्दै यातायात व्यवसायीले सुरक्षा दिन माग गरेपछि सरकारले यस्तो आग्रह गरेको हो ।
गृह मन्त्रालयका सचिव सूर्यप्रसाद सिलवालले दिउँसो चल्ने गाडीलाई पनि प्रहरीले सुरक्षा दिने बताउनुभयो । व्यवसायीले भने बन्दका कारण तराईका कतिपय जिल्लामा दिउँसो गाडी चलाउन नसकिने बताएका छन् ।
नेपाल राष्ट्रिय यातायात व्यवसायी महासंघका महासचिव सरोज सिटौलाले गाडी चलाउन पूर्ण सुरक्षाको ग्यारेन्टी हुनुपर्ने बताउनुभयो । बन्दका बेला गाडी चलाउँदा तोडफोड भैरहेकाले सुरक्षाको प्रत्याभूति हुनुपर्ने व्यवसायीको माग छ ।
हिजो जनैपूर्णिमाको कारण आन्दोलनकारीले बन्द खुलाएपछि बिहानसम्म राजमार्गमा धेरै गाडी सञ्चालन भएका थिए ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
