काठमाडौ, १३ भदौ ।
प्रदेश सिमांकनको विरोधमा तराईमा आन्दोलनरत पक्षका माग सम्बोधन गर्ने विषयमा औपचारिक धारणा बनाउन प्रमुख चार दलको शिर्ष नेता सम्मिलित बैठक सुरु भएको छ ।
बालुवाटार स्थित प्रधानमन्त्री निवासमा जारी बैठकले मधेसी मोर्चा र थारु संघर्ष समितिले बुझाएका मागमा तथा संविधान निर्माण बारेपनि ठोस धारणा तयार गर्ने नेताहरुले बताएका छन् ।
आजको छलफलबाट मागका विषयमा औपचारिक धारणा तयार हुने एमाओवादी उपाध्यक्ष नारायणकाजी श्रेष्ठले जानकारी दिनुभयो । आजको छलफलबाट भोलि नै वार्तामा बस्ने गरि वाताबरण बनाउने उहाँको भनाई छ ।
आन्दोलनरत पक्षहरुले वार्ताको वातावरण बनाउन संविधान निर्माणको प्रक्रिया रोक्नु पर्ने शर्त अघि सारेपछि संविधान निर्माण प्रक्रिया र असन्तुष्ट दलहरूसँगको छलफललाई सँगसँगै लैजाने दलहरुको तयारी छ ।
संविधानसभामा जारी संविधानको परिमार्जित विधेयकमाथिको सैद्धान्तिक छलफल आज सकिने भएकाले संशोधनका लागि दिइने सात दिनको समयभित्र असन्तुष्ट पक्षसंग बार्ता गरि समस्या सामाधान गर्ने नेताहरुको तयारी छ ।
तर त्यसो हुन नसके संविधान जारी गरेर भए पनि प्रकृया बाहिर रहेका दलहरुको माग सम्बोधन गर्न सकिने लगाएतका विषयमा प्रमुख दलहरुबीच छलफल भइरहेको छ ।
