काठमाडौ ११ भदौ ।
उत्तरी र दक्षिणी दुई मुलुक भारत र चीनसँगको भन्सार नाका ठप्प हुँदा नेपालको वैदेशिक व्यापार प्रभावित बनेको छ ।
चीनसँगको व्यापारिक नाका सिन्धुपाल्चोकको तातोपानी र रसुवाको रसुवागढी नाका गत वैशाख १२ को विनाशकारी भूकम्पपछि सन्चालनमा आउन सकेका छैनन् भने लगातारको तराई बन्दले भारतसँगको भन्सार नाका ठप्प छ ।
भन्सार नाका सन्चालनमा आउन नसक्दा सामन आयत र निर्यातमा समस्या भएको छ । यस्तै रजस्व संकलन कार्य पनि प्रभावित बनेको भन्सार विभागले जनाएको छ ।
विभागका अनुसार, भन्सार जाँचपास गरी नेपाल प्रवेश गरेसकेका मालबाहक सवारीसाधन सुरक्षकर्मीको स्कर्टिङमा गन्तव्यसम्म पुर्याइएको छ ।
तर, नेपालको सीमामा प्रवेश नगरेका लोड गरेका सयौं मालबाहक सवारीसाधन र सामन भारतीय सीमामा अलपत्र परेका छन् ।
लगातारको बन्दले भारतसँगको प्रमुख भन्सार नाका वीरगन्ज, मेची, विराटनगर, भैरहवा ठप्प छन् । यसैगरी अन्य छोटो भन्सार कार्यलयहरु पनि ठप्प रहेको विभागले जनाएको छ ।
