सिराहा, १० भाद्र ।
सद्भावना पार्टीका केन्द्रिय अध्यक्ष राजेन्द्र महतोले सुरक्षाकर्मीसंग लडाई गर्ने आफनो कुनै रहर नभएको बताएका छन् ।
सिराहाको मिर्चैयामा गरिएको मधेश आन्दोलन सम्बोधन सभालाई सम्बोधन गर्दै अध्यक्ष महतोले मधेशको अधिकारका निम्ति मधेशी जनता अब कुनै रुपमा पछाडी नहट्ने र आफनो अधिकार लिएरै देखाउने ठोकुवा गरेका छन् ।
विगतमा भएका सम्भौताहरु अहिलेसम्म कार्यान्वयन नभएका कारण अब उधारो सम्झौता गरेर मधेशी जनता नठगिने उहा“ले बताउनुभयो ।
अब उधारो सम्झौता होईन संविधानमै मधेश प्रदेश र समानुपातिक समावेशी समेत लेखिनुपर्ने र नागरिकतामा गरिएको विभेदलाई सच्याउनु पर्ने महतोको तर्क थियो ।
उहा“ले विगतमा हु“दै आएको विभिन्न आन्दोलनहरुमा सिरहावासीको अग्रनीय भूमिका रहेकोले यो अधिकारको लडाईमा समेत सबै मधेशी एक हुनुपर्ने बताउनुभयो ।
कार्यक्रममा तराई–मधेश लोकतान्त्रिक लोकतान्त्रिक पार्टीका अध्यक्ष महन्थ ठाकुर, संघीय समाजवादी युवा फोरमका केन्द्रिय अध्यक्ष सुनिल चौधरी, तमलोपाका केन्द्रीय सदस्य सुरेन्द्र झा, तमसपाका केन्द्रीय महासचिव रामकुमार मंण्डल लगायतका नेताहरु बोलेका थिए ।
