काठमाडौं, ९ भदौ ।
नेप्से परिसूचक यो साता निरन्तर गिरावटको दिशामा अघि बढीरहेको छ । बुधवार ५ दशमलव ८४ अंकको गिरावटसँगै १ हजार १ सय ७५ दशमलव ५७ बिन्दुमा कारोबार बन्द भयो ।
‘क’ वर्गका कम्पनीहरुको मापन गर्ने सेन्सेटिभ इन्डेक्स १ दशमलब ९४ अंकले वृद्धिभई २ सय ५४ दसमलब ७४ अंकमा कारोबार बन्द भएको छ । बजार खुलेको केहि समय बढेको बजार बिस्तारै ओरालो लागेको थियो ।
आज १ सय ३० कम्पनीहरुको २ हजार ६९ कारोबारबाट ८ लाख ५७ हजार ३ सय २३ कित्ता शेयर खरिद बिक्री भएको छ जसबाट २९ करोड ८० लाख १३ हजार ६ सय ३८ रुपैयाँ बराबरको कारोबार भएको छ ।
उप परिसूचकमा जलविद्युत, बैंकिङ्ग, उत्पादन तथा प्रसोधन र अन्य समूह बाहेक अन्य सबै समूह बढेका छन् ।
बजारमा सेवा विकास बैंकको सबैभन्दा बढी १० प्रतिशतले शेयर बढेको छ भने शाग्रिला डेभलपमेन्ट बैंकको शेयर मूल्य ६ दशमलब १८ प्रतिशतले घटेको छ ।
कारोबार रकमको आधारमा सबैभन्दा धेरै कारोबार प्रभु बैंक लिमिटेडले गरेको छ जसको कारोबार रकम २ करोड १६ लाख ८९ हजार ८ सय ९६ रुपैयाँ बराबरको छ ।
