काठमाण्डौ,९ भदौ ।
नेकपा माओबादीले बिभिन्न ठाउमा भइरहेको आन्दोलनको निकास बार्ताबाटै गर्न आग्रह गरेको छ ।
कैलालीको टीकापुर घटनापछि पाटीको धारणा सार्बजनिक गर्न बिहान बसेको स्थायी समिति बैठकले चार दलका नेता नै तानाशाही भएको आरोप लगाएकोे छ ।
बैठकको निर्णय बारे जानकारी गराउन आयोजना गरीएको पत्रकार सम्मेलनमा अध्यक्ष मोहन बैद्यले वार्ताबाट निकास निकाल्न आग्रह राजनितीक दलहरुलाई गर्नुभयो ।
उहाले प्रधानमन्त्रीले वार्ताका लागि अन्य पक्षलाई बोलाए पनि आफूहरुलाई नबोलाएको गुनासो गर्नुभयो । अध्यक्ष बैद्यले २० औं हजार प्रदर्शनकारी भएको ठाउँमा ४० जना मात्र प्रहरी पठाएर गृहमन्त्रीले ब्यवस्थापन मिलाउन नसक्दा टीकापुर घटना भएको बताउनु भयो ।
कैलाली घटनामा गृहमन्त्री मात्र नभइ चार दलका नेता शिर्ष नेता पनि दोषी रहेको उहाले आरोप लगाउनु भएको छ । यस्तै माओबादीले कैलाली घटनापछि विभिन्न ठाउँमा सेना परिचालन गरिएकोमा विरोध जनाएको छ ।
जनताको राजनीतिक मागलाई सेना परिचालन गरेर दमन गर्न नपाइने अध्यक्ष वैद्यको भनाइ छ । माओवादीले कैलाली, बर्दिया, बाँके, दाङ, रौतहट, सर्लाही लगायतका जिल्लामा गरिएको सेना परिचालन बन्द गर्न, साम्प्रदायिक सदभाव कायम गर्न तथा संवादको प्रक्रिया थाल्न अनुरोध गर्दै राष्ट्रपतिलाई ज्ञापन पत्र बुझाउने जनाएको छ ।
