काठमाडौं ३२ साउन ।
यसवर्ष काठमाडौंमा तीज प्रतियोगीता हुने भएको छ । मौलिक कला संस्कृति संरक्षणका लागि भन्दै हुँगेली समाज काठमाडौले तीज गीत प्रतियोगिता गर्ने निर्णय गरेको हो ।
महिलाहरुको महान पर्व हरितालिका तीजको अवसरमा भदौ १३ गते आइतवार गाइजात्राका दिन हुने प्रतियोगितामा काठमाडौमा बसोबास गर्ने गुल्मीका तीनवटै क्षेत्रका गाविसस्तरीय समुहहरुको सहभागिता रहने समाजका सचिव रामकृष्ण भण्डारीले जानकारी दिनुभयो ।
प्रतियोगितामा प्रथम हुनेलाई २० हजार, द्धितिय हुनेलाई १५ हजार र तृतिय हुनेलाई १० हजार र प्रमाणपत्र प्रदान गरिने सचिव भण्डारीले जानकारी दिनुभयो ।
राजधानीमा बसोबास गर्ने गुल्मेली दिदिवहिनीहरुलाई जमघट गराउने र लुम्विनी अंचलमा प्रचलित परम्परागत तथा मौलिक कला संस्कृतिबारे जागरुक बनाउने उद्येश्यले प्रतियोगिता आयोजना गर्न लागिएको हो ।
प्रतियोगिता सम्पन्न गर्न कोषाध्यक्ष बिष्णुप्रसाद भण्डारीको संयोजकत्वमा ब्यवस्थापन समिति गठन गरिएको छ । प्रतियोगिता बुद्धनगर पार्टी प्यालेसमा बिहान ११ देखि साझँ ५ बजेसम्म हुनेछ
