काठमाण्डौ, ३१ साउन ।
पुनरावदेन अदालत पाटनले स्त्री तथा प्रसुती रोग बिशेषज्ञ डा. नुतन शर्मालाई ३ महिनाका लागी निलम्वन गर्ने नेपाल मेडिकल काउन्सिलको निर्णय कार्यान्वयन नगर्न अन्तरकालिन आदेश जारी गरेको छ ।
न्यायाधीशद्धय तिलप्रसाद श्रेष्ठ र लेखनाथ घिमिरेको संयुक्त इजलासले पुनरावेदन पत्रको अन्तिम किनारा नलागेसम्म काउन्सिलको दर्ता कितावबाट डा. शर्माको नाम हटाउने निर्णय कार्यान्वयन नगर्न बिपक्ष्ँीका नाममा आज अन्तरकालिन आदेश जारी गरेको हो ।
अस्पतालमा कार्यरत डा. शर्माले आफुलाई पुर्वाग्रहीपुर्ण तरिकाले मेडिकल काउन्सिलले ३ महिनाका लागी निलम्वन गरेको भन्दै त्यसविरुद्ध पाटन पुनरावेदन अदाललतमा पुनरावेदन पत्र दायर गर्नुभएको थियो ।
आज भएको सुनुवाईमा बरिष्ठ अधिवक्ता डा. बद्रिबहादुर कार्की, शम्भु थापा, डा. भिमार्जुन आचार्य र सुभाष आचार्यले बहस गर्नुभएको थियो ।
