काठमाडौं, ३१ साउन ।
यसबर्ष पाचथरबाट करिब रु एक अर्ब ४१ करोड बराबरको अलैँची निर्यात भएको छ ।
जिल्ला कृषि विकास कार्यालय पाँचथले निकालेको तथ्याङ्कअनुसार जिल्लामा उत्पादित ६२७ मेिट्रक टन अलैँची प्रतिटन रु २५ लाखमा बिक्री हुँदा रु एक अर्ब ४१ करोड ७ लाख ५० हजारको निर्यात भएको छ ।
कार्यालयका प्राविधिक डिल्ली पौड्यालका अनुसार गत वर्षभन्दा उत्पादन घटेको पनि मूल्य भने बढेको छ । यसबर्ष ६२७ मेिट्रक टन अलैँची उत्पादन भएकोमा आव २०७१÷०७२ मा ५६४ टन अलैँची जिल्ला बाहिर गएको छ ।
पछिल्लो समय छिर्के फुर्के र गानो कुहिना, डढुवाका प्रकोपका कारण अलैँची मासिन थालेपछि कृषि विकास कार्यालयले समेत ती क्षेत्रमा प्रत्येक वर्ष विरुवा वितरण गर्दैै आएको छ ।
उत्पादित अलैँची प्रायः झापाको बिर्तामोडतिर निकासी भएको उहाको भनाई छ ।
जिल्लाका रानीटार, लुङ्रुपा, सिदिन, मेमेङ, प्राङबुङ, एकतीन, रवि, सराङ्डाँडा, आङ्सराङ, कुरुम्बा, फाक्तेप, चिलिङ्देन, नाँगीलगायत गाविसलाई अलैँचीको मुख्य क्षेत्रका रुपमा लिइन्छ ।
