काठमाण्डौ,५ साउन ।
बागमती किनाराबाट बिस्थापित सुकुम्बासीलाई उचित क्षतिपुर्ति सहित पुनस्थापना गर्न संयुक्त राष्ट्रिय सुकुम्बासी संघर्ष समितीले माग गरेको छ । समितीले आज राजधानीमा पत्रकार सम्मेलन गरी ७ दिनभित्र बिस्थापित सुकुम्बासीलाई पुनस्थापना गर्न माग गरेको हो ।
समितीले बिना बिकल्प सरकारले डोजर चलाएर २ सय ६४ घरपरिवारलाई बिस्थापित बनाएको भन्दै यथासिघ्र क्षतिपुर्ति सहित स्थानान्तरण गर्न सरकारलाई ७ दिने अल्टीमेटम दिएको छ । समितीले ७ दिन भित्र माग सम्बोधन नभए कडा संर्घषका कार्यक्रम गर्ने जनाएको छ ।
समितीले भोली अधिकार सम्पन्न बागमती सभ्यता एकिकृत बिकास समितीको कार्यालय अगाडी धर्ना दिने जनाएको छ । यस्तै रिले अनसन ,प्रधानमन्त्री शुशिल कोइरालालाई ज्ञापन पत्र, सभामुख सुबास चन्द्र नेम्वाङलाई ध्यानकार्षण गराउने लगायतका कार्यक्रम सार्बजनिक गरेको छ ।
अखिल नेपाल क्रान्तिकारी सुकुम्बासी संगठनका अध्यक्ष पदम देबकोटाले प्रयागघाटबाट ६ र थापाथलीका २ सय ५८ सुकुम्बासी घर परिवारहरु बिस्थापित भएको भन्दै तत्काल पुनस्थापन नगरी कडा संघर्षका कार्यक्रम घोषणा गरीने चेतावनी दिनुभएको छ ।
