काठमाडौ, ५ साउन ।
संविधानको प्रारम्भिक मस्यौदा माथि जनताको सुझाव लिने क्रम आज पनि जारी छ । सुझाव संकलनका लागि विहानैदेखि तोकिएका स्थानमा सभासद र सर्वसाधारणको उपस्थिती रहेको छ ।
मुलुकभरका २ सय ४० ओटा निर्वाचन क्षेत्रमा आफूलाई पायक पर्ने स्थानबाट हिजो छुटेका सर्वसाधरणले आज मस्यौदा माथि सुझाव दिदै छन् ।
सुझाव संकलन स्थलमा कुनै अप्रिय घटना नहोस भन्नका लागि आज पनि सुरक्षा व्यवस्था कडा पारिएको गृहमन्त्रालयले जनाएको छ । प्रमुख दलका शिर्ष नेता तथा मन्त्री ,सभासदमाथि नै आक्रमणको प्रयास भएपछि आज सुरक्षा ब्यावस्था कडा पारीएको जनाईएको छ ।
मस्यौदामाथि सुझाव दिन सहजताका लागी आज पनि सरकारले सार्वजनिक बिदा दिएको छ ।
बिभिन्न राजनितिक दल ,संग संगठनका नेता कार्यकर्ताले हिजो देशभर मस्यौदा खोसेर च्यात्नुका साथै ,जलाएका थिए ।
विप्लब नेतृत्वको नेकपा माओवादी, मधेशवादी दल, राप्रपा नेपाल लगायतका दलहरुले हिजो देशका विभिन्न स्थानमा विरोध प्रर्दशन गर्नुका साथै संविधानको मस्यौदा च्यातेका छन् ।
विशेष गरी तराईका जिल्लाहरुमा सुझाव संकलनका क्रममा भएको विरोधमा प्रहरीले हस्तक्षेप गरेपछि स्थिति तनावग्रस्त भएको थियो ।
मधेश केन्द्रत असन्तुष्ट दलका कार्यकर्ताहरुले बिहानै देखि विरोध प्रदर्शन गर्दै धनुषा जिल्ला बन्दको घोषणा गरेपछि सुझाव संकलन कार्य आजपनि प्रभावित हुने देखिएको छ ।
आज पनि मस्यौदामाथिको सुझाव संकलन कार्यमा अबरोध गरीरहेका छन् ।
