काठमाडौं, ३१ असार ।
व्यवस्थापिका संसदमा आज पेश्की खर्च विधेयक पारित हुदैछ । नया आर्थिक बर्ष भोलीबाट सुरु हुने भएकाले बजेट अन्र्तगतको पेश्की विधेयक आजै पारित हने भएको हो । संसदिय बजेटको बारेमा उठाइएका प्रश्नहरुबारे अर्थमन्त्री डा. रामशरण महतले जवाफ दिएपछि पेश्की खर्च विधेयक पारित हुनेछ ।
सत्तारुढ दल एमालेले भने बजेटका कतिपय विषयहरुमा असन्तुष्टि जनाएको छ । एमाले नेताहरुले आफुहरुको सुझाव अनुसार परिमार्जन नगरिए बजेट पारित नै नगर्ने चतावनी दिएका छन ।
यस्तै संसदले विनियोजन बजेटमाथि साउन ७ गतेबाट छलफल गर्ने बताएको छ । जनमत संकलनका लागि सभासदहरु भोलीेबाट एक साताका लागि जिल्ला खटिने भएकाले विनियाजन माथिको छलफल ७ गतेदेखि सुरु हुने भएको हो ।
मन्त्रालयगत रुपमा विनियोजन गरिएको बजेटमाथिको छलफल तालीका आज तय हुने संसद सचिवालयका सह प्रवक्ता सुदर्शन कँुइकेलले जानकारी दिनुभयो ।
