काठमाडौ २६ असार । सरकारको निति तथा कार्यक्रम माथि छलफल गर्न व्यवस्थापिका संसदको बैठक आज पनि बस्दैछ । बिहान ११ बजेपछि सुरु हुने संसदको बैठकमा आज पनि सांसदहरुले सरकारको निति तथा कार्यक्रम माथि आ आफ्ना धारण राख्नेछन् ।
हिजो देखि जारी बैठकमा राष्ट्रपति डा. रामवरण यादवले पेश गर्नु भएको सरकारको निति तथा कार्यक्रम माथिको छलफल जारी छ । छलफलका क्रममा प्रमुख प्रतिवक्षी दल एकिकृत नेकपा माओवादी सहितका सात दलले निति तथा कार्यक्रमका लागि राष्ट्रपतिले गरेको सम्बोधनमा धन्यवाद ज्ञापन गर्ने प्रस्तावको विरोधमा संसोधन प्रस्ताव दर्ता गराएका छन् ।
राप्रपा नेपाल, राष्ट्रिय जनमोर्चा, नेमकिपा, तमलोपा, थारुहाट तराई पार्टी र खम्बुवान राष्ट्रिय मोर्चाले संशोधन प्रस्ताव दर्ता गराएका हुन् । संसदीय अभ्यासमा यस्तो संशोधन पारित भएमा सरकारले विश्वास गुमाएको मानिन्छ ।
