काठमाडौ २६ असार । जनताका रायसुझाव संकलनका लागि २ लाख प्रति मस्यौदा बोकेर संसद्का कर्मचारीहरु आज ७५ वटै जिल्ला जाँदैछन् ।
संसद सविालयका कर्मचारी मात्र अपुग भएपछि सुझाव संकलनका लागि कानुन मन्त्रालय र सामन्य प्रशासन मन्त्रालयका कर्मचारीलाई पनि जिल्लामा खटाउने तयारी भएको संसद सचवालयका सचिव मुकुन्द शर्माले जानकारी दिनुभयो ।
मस्यौदा माथि सुझाव संकलनका लागि सभासदहरु भने पेस्की बजेट पारित गरेपछि आगामी साउन १ गतेबाट जिल्ला जाने भएका छन् । राजपत्र र मस्यौदा बोकेर कर्मचारीहरु आज बिहानैदेखि जिल्ला जिल्लामा खटिने सचिव शर्माको भनाई छ ।
संविधानको नागरिक सम्बन्ध तथा सुझाव समितिले सुझाव संकलनका लागि एउटा जिल्लामा दुईजनाका दरले कर्मचारी खटाएको जनाइएको छ ।
विदेशमा रहेका नेपालीले पनि सुझाव दिन सक्ने व्यवस्था मिलाएको छ । समितिले त्यसका लागि परराष्ट्र मन्त्रालय र श्रम मन्त्रालयलाई निर्देशन दिइसकेको छ ।
