काठमाडौं,२२ असार ।
प्रधानमन्त्री सुशील कोइरालाले मुलुकले चाडै संघीयता, गणतन्त्र, समावेशीता सहितको लोकतान्त्रिक संविधान पाउने दाबी गर्नुभएको छ ।
भुकम्प पिडीतका लागि प्रधानमन्त्री दैबी प्रकोप उद्धार कोषमा बिभिन्न संघ, संस्थाले दिएको रकम ग्रहण गर्दै प्रधानमन्त्री कोइरालाले यस्तो दाबी गर्नुभएको हो ।
उहाले सबैलाई मान्य हुने संविधान जारी गर्नका लागि दलहरुबीच सहमतिको प्रयास जारी रहेको भन्दै संविधान जारी गर्नबाट कसैले रोक्न नसक्ने जिकीर गर्नुभयो ।
संविधान जारी भए पछि शान्ति, स्थायित्व, लोकतन्त्र र विकासले गति लिने भन्दै प्रधानमन्त्री कोइरालाले संविधान जारी गर्नका लागि सहयोगी भूमिका निर्वाह गर्न सबैसँग आग्रह गर्नुभएको छ ।
उद्धार कोषमा आज हिमालयन बैंकले एक करोड, हवीव बैंक पाकिस्तानले एक करोड, दियालो बिकास बैंकले चार लाख, मकाउमा बसोबास गर्ने नेपालीले १४ लाख, संगीत नाट्य प्रतिष्ठानले तीन लाख रुपैयाँ सहयोग गरेको प्रधानमन्त्रीको सचिबालयले जनाएको छ । उद्धार कोषमा बिभिन्न क्षेत्रबाट सहयोग रकम जम्मा हुने क्रम जारी छ ।
