काठमाण्डौ, १८ असार ।
राप्रपा नेपाल तथा मधेशवादी दलका सभासदको नाराबाजीका बीच संविधानसभामा प्रस्तुत प्रारम्भिक मस्यौदा माथि शुक्रबार छलफल भएको छ ।
राप्रपा नेपाल तथा मधेवादी दलका सभासदले सवा दुई बजेदेखि नाराबाजी गरेपछि पौने सातबाट छलफल सुरु भएको हो । दिउँसो बैठक सुरु भए लगत्तै नाराबाजी सुरु भएको थियो ।
राप्रपाले मस्यौदा समितिले परित गरेको नगरेको समाजवादलाई प्रस्तवानामा राखिएको, धर्म परिवर्तनलाई मौलिक हक अन्तर्गत राखिएमा र स्थानीय निकायको चुनाव ६ महिनामा गर्ने मस्यौदा समितिमा सर्वसम्मतिले पारित भएको तर पछि हटाइएको भन्दै बैठक अवरुद्ध थियो ।
तर सभाध्यक्ष सुबास नेम्बाङले पौने सात बजे राप्रपा नेपालका सभासद्लाई आसन ग्रहण गरेर संविधान निर्माण प्रक्रियालाइ सहयोग गर्न आग्रह गर्नुभएको थियो । उहाँले अवरोध संस्कृति बने संविधानसभाबाट संविधान नबन्ने प्रष्ट भएको बताउँदै विगतमा पनि विषम परिस्थितिमा संविधानसभा अवरुद्ध हुन नदिएको स्पष्ट भएको बताउनुभयो । बैठक शनिबार ११ बजेसम्मको लागि स्थगित भएको छ ।
