काठमाण्डौ , १७ असार ।
विधान संशोधन लगायतका बिषयमा पार्टि नेतृत्वलाई सुझाव दिन नेपाली काग्रेसका जिल्ला सभापतिहरु आज आन्तरीक छलफलमा जुट्दै छन् ।
पार्टि केन्द्रिय कार्यलय सानेपामा बोलाईएको सभापतीहरुको भेलामा आसन्न महाधिवेशनको कार्यतालिका फेरबदल गर्न केन्द्रिय नेतृत्वलाई सुझाव दिने बिषयमा छलफल हुने छ ।
पाँच बर्षको कार्यकाल सिद्धिन लागेका बेला काग्रेसका जिल्ला सभापतिहरुले आज भुलाको आयोजना गरेका हुन् । भेलामा भुकम्प प्रभावित जिल्लाका केहि जिल्ला सभापतिहरुले केन्द्रीय महाधिवेशनको तिथि मंसिरमा सार्न नेतृत्वलाई सुझाव दिने भएका हुन् ।
काग्रेसले साउन महिनामा वडा, नगर ,क्षेत्रीय र जिल्ला अधिवेशनको कार्यतालिका तय गरेको छ । काग्रेसका दोलखा जिल्ला सभापति ताराबहादुर कोईरालाले साउन पूर्ण रुपमा वर्षा यामको समय भएकाले अधिवेशन गर्नु अव्यावहारीक हुने भन्दै जिल्ला अधिवेशनको कार्यतालिका फेर्न नेतृत्वलाई सुझाव दिने तयारी गरेको बताउनु भयो ।
यस्तै आजको भेलामा विधान संशोधनका बिषयमा पनि छलफल हुनेछ । ललितपुरका सभापति मदन अमात्यले आजको भेला अनौपचारीक भएको भन्दै महाधिवेशन नजिक आईरहेका बेला विधान संशोधन ,विभिन्न प्रतिवेदनमा सुझाव दिने योजना बनाईएको बताउनु भयो ।
साउनमा हुने जिल्ला अधिवेशनपछि वर्तमान जिल्ला सभापतिहरुको कार्यकाल स्वत सकिदैछ । गत बर्ष काग्रेस केन्द्रिय समितिले जिल्ला सभापतिहरुको कार्यकाल एक बर्ष थप गरेको थियो ।
केन्द्रिय नेताहरु भने यतिवेला महाधिवेशनको तयारीमा जुटेका छन् ।
