काठमाडौ १५ असार ।
संविधान सभामा आज मस्यौदा समितीले तयार पारेको पहिलो एकिकृत मस्यौदा आज पेश हुदैछ । केही बिषयमा बिबाद भएपछि हिजो मध्यरातमा बसेको संविधान सभाको बैठकमा मस्यौदा पेश हुन सकेको थिएन ।
मस्यौदा समितीका सभापति कुष्णप्रसाद सिटौला सहित नेताहरुले बिबादीत बिषयमा सहमती गरेपछि एकिकृत मस्यौदा सभाअध्यक्ष सुबास चन्द्र नेम्वाङलाई बुझाइने छ ।
यसैबिच दिउसो २ बजेलाई बोलाइएको संबिधान सभाको बैठक साझ ६ बजेका लागि सारीएको छ । मस्यौदा समितिको बैठक जारी रहेकाले संबिधानसभा बैठक सारिएको संसद सचिवालयका सहायक प्रबक्रा सुर्दशन कुइकेलले जानकारी दिनुभयो ।
मस्यौदामा सबै दलको हस्ताक्षर भएपछि छपाउनका लागि प्रेसमा पठाउने सचिवालयले जनाएको छ । हिजो पेश गर्ने क्रममा मस्यौदामा संसदीय प्रणलीलाई अपरीवर्तनीय धारा बनाउन खोजिएको ,सिमातकृत समुदायका अधिकार कटौटी गरेको ,पुराना सहमती उल्टाएको आरोप लगाउदै प्रतिपक्षी दलले आपत्ती जनाएपछि एकिकृत मस्यौदा संबिधान सभामा पेश हुन नसकेको हो ।
