काठमाडौं ९ असार । भोली हुने दाता सम्मेलनमा सहभागी हुन नेपाल आइपुगेका विदेशी पाहुनाहरु आज भूकम्प प्रभावित क्षेत्रको अवलोकनका लागि जाँदैछन् ।
नेपाली सेनाको हेलिकोप्टर मार्फत उनीहरुलाई प्रभावित जिल्लाहरु गोरखा, नुवाकोट, धादिङ, रसुवा, सिन्धुपाल्चोक, दोलखाको अवलोकन गराइने पराष्ट्र मन्त्रालयल जनाएको छ ।
दाता सम्मेलनमा सहभागी हुन अधिकांस सहभागीहरु काठमाण्डौ आइपुगिसकेका छन् भने बाँकी आज आउने भएका छन् । एसियाली विकास बैंकका अध्यक्ष, विश्व बैंकका उपाध्यक्षले सहभागिता जनाउने निश्चित भइसकेको छ ।
भारतबाट विदेशमन्त्री सुश्मा स्वराज र चीनबाट विदेशमन्त्री वाङ यी आज काठमाडौ आइपुग्नु हुने परराष्ट्र मन्त्रालयले जनाएको छ ।
भूकम्पपछिको पुनःनिर्माण तथा नवनिर्माणका लागि बाह्य सहायता जुटाउन भोली राजधानीको सोल्टी होटलमा हुने सम्मेलनमा सात मुलुकबाट मन्त्रिस्तरीय सहभागिता रहनेछ ।
