काठमाडौं, ५ असार ।
आज अन्तर्राष्ट्रिय शरणर्थी दिवस । नेपालमा पनि शरणार्थीको हक अधिकार सम्बन्धी काम गरिरहेका विभिन्न संघसंस्थाले विविध कार्यक्रम गरी मनाइदैछ । हरेक वर्ष जुन २० तारिखमा यो दिवस मनाउने गरिन्छ ।
शरणार्थी सम्बन्धी राष्ट्रसंघीय उच्च आयोग युएन एचसीआरले द्वन्द्वका कारण धेरै मान्छे विस्थापित हुने गरेको भन्दै युद्धको निराकरण र युद्धले उत्पन्न गरेका समस्या समाधानमा जोड दिएको छ ।
शरणार्थीको उचित पुनस्र्थापनाका लागि पछिल्लो समय नेपालमा रहेका भुटानी शरणार्थीलाई अष्ट्रेलिया, क्यानडा, डेनमार्क, नेदरल्याण्ड, न्यूजील्याण्ड, नर्वे, बेलायत र अमेरिकामा पुनर्वासको व्यवस्था मिलाईएको छ ।
यस्तै नेपालमा २० हजार भन्दा बढी तिब्बती शरणार्थी सहित सोमालिया, बंगलादेश, नाईजेरिया लगायतका देशका शरणार्थी छन् ।
यद्यपी नेपालले शरणार्थी सम्बन्धी राष्ट्रसंघीय अभिसन्धीमा हस्ताक्षर गरेको छैन । शरणार्थीलाई सम्बोधन गर्ने राष्ट्रिय कानून समेत बनाउन नसकेको बन्दै सरकारको आलोचना हुदै आएको छ ।
