काठमाण्डौ, २ असार ।
पाँच उपसमितिले प्रतिवेदन बुझाएपछि संविधान मस्यौदा निर्माण समितिको गोप्य बैठक जारी छ ।
संविधानको मस्यौदा तयारीका लागि विभिन्न उपसमितिहरुले प्रतिवेदन बुझाउन ढिलो भएपछि बिहान बोलाइएको मस्यौदा समितिको बैठक अपरान्ह सुरु भएको हो । पाँचवटा उपसमितिलाई मंगलबार बेलुकासम्म प्रतिवेदन बुझाउन भनिए पनि केही विषयमा विवाद भएपछि प्रतिवेदन तयारीमा ढिलाइ भएको हो ।
मूल समितिको बैठकमा संचारकर्मीलाई प्रवेश दिइएको छैन । उपसमितितले प्रतिवेदन बुझाएपछि त्यसबारेमा छलफल भएका छन्। उपसमितिले टुंगो लगाउन नसकेका कतिपय विषयलाई प्रतिवेदनमै समावेश गरिएको छ । त्यसमा मूल समितिमा सहमति खोजिने छ ।
भरतमोहन अधिकारीको संयोजकत्वमा व्यवस्थापिका,हितराज पाण्डेको संयोजकत्वमा कार्यतालिका,रमेश लेखकको संयोजकत्वमा न्याय,जितेन्द्रदेवको संयोजकत्वमा प्रस्तावना र अईन्द्रसुन्दर नेम्वाङको संयोजकत्वमा मौलिक हक उपसमिति गठन गरिएका थिए ।
१६ बुँदे सहमतिलाई दलहरुले आआफ्नो स्वार्थ र सुविधाअनुसार व्याख्या गर्न थालेपछि उपसमितिको बैठक लम्बिएको हो ।
