काठमाडौं, असार १
प्रधानमन्त्री दैबी प्रकोप उद्धार कोषमा बिभिन्न क्षेत्रबाट सहयोग रकम जम्मा हुने क्रम जारी छ । आज उद्धार कोषमा नेपाल निर्माण व्यवसायी महासंघले १ करोड रुपैयाँ सहयोग गरेको छ ।
प्रधानमन्त्री निवास बालुवाटार आज आयोजित कार्यक्रममा महासंघका अध्यक्ष शरदकुमार गौचनले १ करोड रुपैयाँको चेक प्रधानमन्त्री शुशिल कोइरालाई हसतान्तरण गर्नुभयो ।
निर्माण व्यवसायी महासंघले दिएको रकम ग्रह्ण गर्दै प्रधानमन्त्री कोइरालाले भूकम्प प्रभावितहरु राहत पाउनबाट नछुटुन् भन्नेबारेमा आफू सचेत रहेको भन्दै सरकारले अब पुनर्निर्माणको काम अगाडि बढाउने बताउनुभयो ।
उहाँले १६ बुँदे सहमतिसँगै संविधान निर्माणको काम अगाडि बढेको भन्दै संविधान जारी भएपछि पुनर्निर्माणको कामले गति लिने बताउनुभयो । यस्तै उद्धार कोषमा आज अन्य संघसंस्थाहरुले ५६ हजार रुपैयाँ सहयोग गरेको प्रधानमन्त्रीको सचीबालयले जनाएको छ ।
