काठमाडौ,१ असार ।
संविधानका बाँकी विवादित विषयमा सहमति जुटाउने जिम्मा पाएका संविधान सभाको मस्यौदा उपसमितिले आज आफ्नो प्रतिवेदन मस्यौदा समितिमा बुझाउने भएको छ ।
हिजो देखि आ आफ्नो जिम्मेवारीमा जुटेका उपसमितिले आज दिनभरी छलफल गरी साँझसम्ममा आ आफ्नो प्रतिवेदन मस्यौदा समितिमा बुझाउने तयारी गरेका छन् ।
यसका लागि उपसमितिको बैठक बिहान ११ बजेका लागि बोलाइएको छ । कतिपय उपसमितिमा दलहरुबीच सहमति भइसकेका विषयमा पनि सभासदले प्रश्न उठाएपछि विवाद बल्झिएको छ । यद्यपी उपसमितिलाई पूर्व सहमति विपरित जाने अधिकार भने दिइएको छैन ।
सहमति जुटाउन बाँकी रहेका विषयमा समाधान खोज्न मस्यौदा समितिले विभिन्न पाँच वटा उपसमिति गठन गर्दै दुई दिनको समयसीमा दिइएको थियो ।
उपसमितिले प्रतिवेदन बुझाए लगत्तै मस्यौदा समितिले संविधान लेखनको कार्य अघि बढाउनेछ । मस्यौदा समितिले १५ दिनको समयसीमा पाएको छ ।
