काठमाडौ, १ असार ।
नेपाली कांग्रेसले राष्ट्रपति र प्रधानमन्त्रीलगायत प्रमुख पदमा दलहरूबीच भागबण्डा नभएको बताइएके छ ।
संविधान जारी भएपछि प्रमुख पदमा निर्वाचन गर्ने सहमति पहिल्यै भए पनि १६ बुँदे सहमति गर्ने क्रममा कुन कुन दलले के पाउने भन्नेबारे कुनै समझदारी नभएको कांग्रेसले जनाएको छ ।
एमाओवादी अध्यक्ष पुष्पकमल दाहालले संविधान जारी भएपछि प्रधानमन्त्री सुशील कोइरालाले राष्ट्रपति र एमाले अध्यक्ष केपी ओलीले प्रधानमन्त्री पाउने सहमति भएको आइतबार सार्वजनिक गर्नु भएको थियो ।
कांग्रेस सह महामन्त्री पूर्णबहादुर खडकाले दाहालको सार्वजनिक अभिव्यक्ति अपरिपक्व रहेको बताउँदै १६ बुँदे सहमतिका बेला त्यस्तो कुनै सहमति नभएको बताउनु भएको हो ।
राष्ट्रिय सहमतिको सरकार निर्माणका विषयमा छलफल भए पनि त्यसको नेतृत्व कसले लिने भन्नेबारेमा छलफल नभएको उहाको दाबी छ ।
राष्ट्रपति, प्रधानमन्त्री, सभामुख, उपराष्ट्रपति, उपसभामुखमा कुन दलले के पाउने भन्नेबारे कुनै छलफल नभएको सहमहामन्त्री खड्काले बताउनु भयो ।
स्रोतका अनुसार प्रधानमन्त्री कोइराला, एमाले अध्यक्ष केपी ओली, एमाओवादी अध्यक्ष पुष्पकमल दाहाल र फोरम लोकतान्त्रिकका अध्यक्ष विजयकुमार गच्छदारबीच मात्रै भएको छलफलमा यस्तो अनौपचारिक सहमति भएको दाबी छ ।
दाहाल र फोरम लोकतान्त्रिका अध्यक्ष गच्छारका अनुसार राष्ट्रपति कोइराला र सरकारको नेतृत्व ओलीले गर्ने सहमति भएको थियो
