काठमाडौं, ३१ जेठ ।
नेकपा एमालेका अध्यक्ष केपी शर्मा ओलीले राष्ट्रिय सहमतिको सरकारलाई राजनितिक रंग नदिन आग्रह गर्नु भएको छ ।
राजधानीको बसन्तपुर क्षेत्रमा एमाले स्वयंसेवकहरुले थालेको सफाई अभियानको आरम्भ गर्दै उहाले विपद व्यवस्थापनमा एकता प्रदर्शन गर्न निर्माण गर्न लागिएको राष्ट्रिय सहमतिको सरकारलाई राजनीतिक रंग नदिन आग्रह गर्नु भएको हो ।
अध्यक्ष ओलीले सबै दल सरकारमा रहँदा भूकम्प प्रभावित जनताको पुर्नस्थापना र भत्किएका संरचनाको पुनर्निर्माणमा सहज हुने भन्दै राम्रो उद्देश्यका लागि हुने कामलाई राजनीतिक नजरले हेर्दा समस्या पर्ने बताउनु भएको हो ।
अस्थायी पुनर्वासका लागि गरिएका काम अझै पर्याप्त नभएको भन्दै उहाले त्यसका लागि सबै पक्षको सहयोगको आवश्यकता समेत औल्यउनु भयो ।
सफाई अभियानमा एमाले नेता माधव नेपाल, महासचिव इश्वर पोखरे ललगायतका नेता कार्यकर्ताको सहभागिता थियो ।
