अछाम, ३० जेठ ।
शुक्रवार आएको भिषण हावाहुरीका कारण अछाम जिल्लाका बिभिन्न स्थानमा ठुलो क्षती भएको छ ।
बेलुका करिव ५ वजेतिर आएको हावाहुरीका कारण जिल्लाको पायल, मलाँतिकोट, कालागाँउ लगायतका ठाँउमा रहेका बिद्यालय लगायतका भौतिक संरचनामा क्षति पुगेको हो ।
हावाहुरीका कारण पायल गाविस वडानम्वर ६ मा रहेको त्रिपुरा सुन्दरी निमाविको २ वटा भवन र एक शौचालयको छाना उडाएको छ भने बिद्यालयमा जडान गरिएको १४ लाख बरावरको सोलार सिस्टम पनि क्षत क्षती बनाएको छ ।
२०६६÷६७ मा झण्डै १६ लाख मा निर्माण गरिएको ६ कोठे भवन तथा २०६/६१ मा जिविसको २ लाख अनुदानमा निर्माण गरिएको २ कोठे भवन र २०६८ मा जिल्ला शिक्षाको २ लाख अनुदान मा निर्माीत शौचालय को छाना उडाँउदा करिव ४० लाख बरावरको क्षती भएको बिद्यालयका प्रअ गोपिसिंह बोहराले जाँनकारी दिए ।
हावाहुरी पछि आएको पानीका कारण बिद्यालयका सम्पूर्ण कागजात र कम्प्यूटर तथा प्रिन्टरहरु पनि तहसनहस भएको उनले बताए । यस्तै मलाँतिकोट वडानम्वर ६ तालिमा रहेको गाविसको मष्टामाण्डौ प्राविको २ कोठे भवनको छाना पनि हावाहुरीले उडाएको छ ।
५ वर्ष अघि करिव ४ लाखको लागतमा बनेको भवनको छाना उडाएर क्षती भएको जनाईएको छ । हावाहुरीपछि आएको पानीका कारण बिद्यालयका सम्पूर्ण कागजातहरु भिजेर काम नलाग्ने भएको त्यहाँवाट पत्रकार नविन साउदले जाँनकारी दिए ।
उता कालागाँउ गाविसको वडपिपल बजारमा रहेको स्थानिय नृप भण्डारीको भण्डारी किराना पसलको पनि छाना उडाएको छ । छाना उडाएपछि पसलमा रहेको सामानमा पनि क्षती भएको भण्डारीले बताए ।
यस्तै गणेश प्रावि बान्नातोलीको पनि हावाहुरीले ४ कोठे भवनको छाना उडाएको छ । २०६२ सालमा केयर नेपालको सहयागमा साढे ३ लाख लागतमा वनेको भवनको छाना उडाएपछि बिद्यालयभित्र रहेका कागजात सुरक्षीत रहेपनि कुर्चि, टेवुल लगायत फर्निचरहरुमा क्षती भएको प्रअ तारा प्रसाद गिरीले जाँनकारी दिए
