जेष्ठ २७ ललितपुर
बिनाशकारी भूकम्पबाट मृत्यु भएका सिन्धुपाल्चोकको सिरुवारी गाविसका मृतकका परिवारलाई ललितपुरस्थित अल्का अस्पताल र लायन्स क्लव अफ अल्काले नगद रकम सहयोग गरेको छन । अस्पतालले भुकम्पबाट मृत्यु भएका उक्त गाविसका दश परिवारलाई प्रति परिवार ५ हजार रुपैया सहयोग गरेको हो ।
अस्पतालका अध्यक्ष कुमार थापाले भुकम्पको बिपत्तीमा परेका मध्ये आफ्नै सदस्य गुमाएका परिवारलाई सके जति सहयोग पुर्याउने उद्देश्यले उक्त रकम सहयोग गरिएको बताए । भूकम्प पिडितहरुका लागी सहयोग स्वरुप भन्दै अल्का अस्पतालले भूकम्पबाट घाइते भएकाहरुको उपचार गरे वापत सरकारले दिएको अनुदान समेत लिएको थिएन ।
यसैबीच अल्का अस्पताल र लायन्स क्लव अफ अल्काको संयुक्त आयोजनामा भूकम्प पिडितहरुको सहयोगार्थ सिन्धुपाल्चोकको ठुलो शिरुवारीमा एक दिने निशुल्क स्वास्थ्य शिबिर गरेको छ । अस्पतालका बरिष्ठ बाथ रोग एवं फिजिसियन डा. अरुण गुप्तासहितको टोलीले जिल्लामा झण्डै ३ सय जनाको निशुल्क स्वास्थ्य परीक्षणका साथै औषधी समेत बितरण गरेको थियो । उक्त अवसरमा डा. गुप्ताले आफ्नो व्यक्तिगत पहलमा भूकम्प पिडितहरुलाई एक सय थान झुल बितरण गरेका थिए भने लायन्स क्लव अफ अल्काले किशोरी तथा महिलालाई ३ सय थान सेनेटरी प्याड समेत निशुल्क बितरण गरेको थियो
