काठमाडौँ, २५ जेठ ।
संविधानसभाको बैठक आज बस्दैछ । दलहरुको सहमति अनुसार सूचना टाँस गरेर आजसम्म स्थगित भएको बैठक अपरान्न बोलाइएको छ ।
यद्यपी आजको बैठक पनि कुनै एजेन्डमा प्रवेश नगर्ने संविधानसभा सचिवालयले जनाइएको छ ।
२०५६ सालको उपनिर्वाचनमा काँग्रेसबाट निर्वाचित प्रतिनिधिसभा सदस्य डा. गोपालप्रसाद कोइरालाको सम्मानमा शोक प्रस्ताव प्रस्तुत हुने भएकोले आजको बैठकका लागि कुनै एजेन्ड तय नगरिएको संविधानसभा सचिवालयका सहायक प्रवक्ता सुदर्शन कुइकेलले जानकारी दिनु भयो ।
उहाँका अनुसार आज अपरान्न ३ बजे बस्ने बैठकले शोक प्रस्ताव पारित गर्दै आगामी बैठकको मिति तय गरिनेछ । यसअघि पनि दलहरुवीच संविधानका अन्र्तबस्तुमा छलफल भइरहेको भन्दै बैठक सूचना टाँसेर स्थगित गरिदै आएको थियो ।
सहमतिका लागि पटक पटक समयसीमा तोकेर सहमति खोज्न दलहरुलाई मौका दिदै आउनु भएका संविधानसभा अध्यक्ष सुवास चन्द्र नेम्वाङले पछिल्लोपटक पाँच दिनको थप समय दिनु भएको थियो ।
यता विवादित विषयमा सहमति जुटाउनका लागि भन्दै दलहरु पटक–पटक छलफलमा जुटेपनि हालसम्म सहमति हुन सकेको छैन ।
आजसम्म दहलहरुबीच सहमति भए दोस्रो बैठक राखेर भए पनि संविधानसभालाई अगाडि बढाउने तयारी गरिएको छ ।
