काठमाडौ, २५ जेठ ।
संविधानका अन्तरवस्तुमा सहमति जुटाउन भन्दै लगातार छलफलमा जुटेका प्रमुख चार राजनितिक शक्तिको बैठक आज पनि बस्दैछ ।
सत्तारुढ दल कांग्रेस एमाले, प्रमुख प्रतिपक्षी दल एकिकृत नेकपा माओवादी र मधेशी मोर्चाको बैठक बिहान ९ बजे प्रधानमन्त्री निवास बालुवाटारमा बोलाइएको छ ।
आजको बैठकमा प्रदेशको सिमांकन अहिले नै गर्नु पर्ने एकिकृत नेकपा माओवादी सहितका दलको प्रस्तावको विकल्पमा कांग्रेस र एमालले नयाँ धारण लैजाने तयारी गरेका छन् ।
एमाले स्रोतका अनुसार प्रदेशको संखय बढाएर भएपनि प्रदेशको सिमांकनको जिम्मा आयोगलाई दिन सकिने नयाँ प्रस्ताव अघि सार्ने तयारी भएको हो ।
संविधान निर्माणका लागि अधिकतम लचकता अपनाउने निर्णय गरेको एमालले प्रदेशको संखय आठ सम्म पुर्याएर भएपनि नामांकन र सिमांकनको जिम्मा आयोगलाई दिनु पर्ने प्रस्ताव अघि सार्ने भएको हो ।
६ प्रदेशमा केन्द्रित रहेर छलफल अघि बढाएका दलहरुबीच प्रदेशको सिमांकन अहिले गर्ने या आयोगलाई दिने भन्नेमा विवाद रहीआएको छ ।
एकिकृत नेकपा माओवादी सहितका दलहरुले प्रदेश सिमांकनलाई अहिले नै टुङ्गो लगाउनु पर्नेमा जोड दिएको छ भने कांग्रेस एमालेले नामांकन र सिमांकनको जिम्मा आयोगलाई दिनु पर्ने बताउँदै आएका छन् ।
