काठमाडौ, जेठ २४ ।
केन्द्रिय महाधिवेशन नजिकिदै गर्दा नेपाली काँग्रेसले पार्टी भित्र देखिएको क्रियाशिल सदस्यताको विवाद मिलाउन केन्द्रबाट प्रतिनिधि खटाएको छ ।
क्रियाशिल सदस्यता छानविन समितिले सदस्यता वितरणमा धेरै विवाद देखिएका चार जिल्लाको विवाद मिलाउन केन्द्रीय प्रतिनिधि खटाएको हो ।
सबै भन्दा बढी विवाद देखिएका जिल्ला सिराहा, सप्तरी, पर्सा र रौटहतमा स्थलमै गएर विवाद मिलाउन एक एक जना प्रतिनिधि खटाइएको छ ।
जस अनुसार सप्तरीमा प्रदीप पौडेल, सिराहामा रामकुमार चौधरी, रौतहटमा रमेश रिजाल र पर्सामा फरमुल्लाह मन्सुरलाई खटाइएको क्रियाशिल छानविन समितिका सदस्य रामकृष्ण यादवले जानकारी दिनु भयो ।
ती जिल्लाहरुमा जिल्ला सभापति र क्षेत्रीय सभापतिमा देखिएकोले विवादका कारण सदस्यता विवाद टुङ्गो लाग्न नसकेपछि प्रतिनिधि खटाउने निर्णय लिएको नेता यादवले बताउनु भयो ।
ती जिल्लाको विवाद भोलीसम्ममा मिलाउने प्रयास गर्ने र असार १५ गतेभित्र सदस्यताको छानविनको सबै काम पूरा गर्ने योजना रहेको कांग्रेसले जनाएको छ ।
नेपाली कांग्रेसले आगामी भदौँ २४ देखि २८ गते सम्म केन्द्रीय महाधिवेशन गर्ने निर्णय गरिसकेको छ ।
