काठमाडौ २४ जेठ ।
संविधान निर्माणमा देखिएको विवदित विषयमा सहमति जुटाउन प्रमुख चार राजनितिक दलको बैठक बस्दैछ । संविधानका अन्तरवस्तुमा सहमति जुटाउन भन्दै पछिल्लो छलफललाई तीब्रता दिएका जुटिरहेका प्रमुख दलहरु आज पनि छलफलमा जुट्न लागेका हुन् ।
संघियतामा प्रदेशको संख्यबारे सैद्धान्तिक सहमति जुटाइसकेका प्रमुख दलहरुबीच पहिचान र सामथ्र्यलाई कसरी कर्यान्वयन गर्नेबारे सहमति हुन बाँकी छ । सत्तारुढ कांग्रेस एमाले लगायतका दलले सामथ्र्यलाई जोड दिएका छन् भने विपक्षी एकिकृत नेकपा माओवादी लगायतका पहिचानवादी दलहरुले पहिचानलाई आधार बनाउनु पर्नेमा जोड दिएका छन् ।
संघियतामा देखिएको विवादलाई टुङ्गो लगाउने विषयमा आजको बैठकमा छलफल हुने नेताहरुले बताएका छन् । यसअघि हिजो बसेको बैठकमा एकिकृत नेकपा माओवदीले पहिचानलाई जोड दिदै ६ प्रदेशको नयाँ प्रस्ताव अघि सारेपछि संघियताको विषयमा दलहरुबीच फेरि विवाद देखिएको छ ।
एकिकृत माओवादी सहितका विपक्षी दलहरुले पहिचान झल्किने संघियतामा सहमति भए प्रदेशको संखयमा आफूहरुलाई आपत्ति नहुने बताएका छन् । बैठकको समय तय नभएपनि अपरान्न सम्म प्रमुख तीन दल र मधेशी मोर्चाको सयुक्त बैठक बस्ने एमाले उपाध्यक्ष भिम रावलले जानकारी दिनु भयो ।
