जाजरकोट, २१ जेठ ।
जाजरकोट जिल्ला शिक्षा कार्यालको घर भाडामा लिने विषयमा चर्को राजनीति हुन थालेको छ ।
गत बैसाख १२ र २९ गते आएको महाभुकुम्पले जिल्ला शिक्षा कार्यालय रहेको घर चर्किएर जोखिम अवस्थामा पुगेपछि अफिस सञ्चालनको लागी अर्को घरको खोजी गर्नु पर्ने स्थिति श्रृजना भएको जिल्ला शिक्षा कार्यालयले जनाएको छ ।
आ–आफ्नो घर भाडा दरको कवोल अंक पेस गर्ने अन्तिम मितिले आज तीन दिन विति सक्दा पनि राजनैतिक हस्तक्षेपका कारण दरभाउ पत्र नखोलिएको स्थानिय प्रकाश चन्दले वताए ।
चन्दले राजनैतिक हस्तक्षेपका कारण कार्यालयले उपयुक्त वातावरणमा काम गर्न नसक्ने अवस्था भएकोमा दुःख व्यक्त गरे ।
अफिस राख्नका लागी भन्दै कार्यालयले घर भाडा निर्धारण गर्न भनि सात दिने १३ गते नै सुचना टाँस गरेको थियो ।
सुचना टाँस गरेको मितिले सात दिन १९ गते सम्म ७ जना घर मुलिले आ–आफ्नो घर भाँडा दरको कवोल अंक पेस गरेको जिल्ला शिक्षा कार्यालयले जानकारी दिएको छ ।
घर भाडा निर्धारण समितिमा प्रमुख जिल्ला अधिकारीको संयोजक सदस्यहरुमा कोष तथा लेखा नियन्त्रण कार्यालय प्रमुख, जिल्ला प्राविधिक कार्यालय प्रमुख र जिल्ला शिक्षा कार्यालय प्रमुख रहने प्रावधान छ ।
तर जिल्ला शिक्षा कार्यालयलाई आफु उपयुक्त स्थानमा लिनका लागी राजनैतिक नेताहरुको निकै दौडधुप चलिरहेको छ ।
कार्यालय राख्नलाई भन्दै आफु उपयुक्त स्थानका घरहरुलाई निकै हतारपूर्ण स्थितिमा मर्मतसुधार गर्न लगाईएको श्रोतको दावी छ । विगतमा पनि जिल्ला मालपोत कार्यालय अर्काे घरमा सार्ने विषयमा विवाद सृजना हुदा विवादले निकै ठुलो रुप लिएको थियो ।
