काठमाडौ, २२ जेठ ।
अपहरणको १० दिनपछि सिरहाका एक बालक मृत अवस्थामा भेटिएका छन । सिरहा सुखिपुर–६ दहीपैरीका १० वर्षीय श्रवणकुमार भण्डारी गत जेठ ११ गते अपहरणमा परेका थिए ।
उनको शव छिमेकी गाविस मोहनपुर कमलपुर–३ मा हत्या गरी वैसाखास्थित धान खेतमा गाडिएको अवस्थामा फेला परेको प्रहरीले जनाएको छ ।
बालक अपहरणमा परेको भोलि पल्टदेखि नै अपहरणकारी समूहले फिरौतीबापत बालकको परिवारसँग २० लाख रुपैयाँ माग थिए ।
ईलाका प्रहरी कार्यालय गोलबजारबाट खटिएका प्रहरी टोलीले बालकको शव उत्खनन् गरेको हो ।
घटनाबारे थप अनुसन्धान भइरहेको र अपहरणकारीको खोजी जारी रहेको प्रहरीले जनाएको छ । आपसी विवादका कारण उनको अपहरणको नाटक गरिएको भएपनि अपहरणकै बेला हत्या गरिएको हुन सक्ने स्थानीयले अनुमान गरेका छन ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
