काठमाडौ, २२ जेठ ।
संविधानका अन्तरवस्तुमा सहमति जुटाउन छलफललाई तीव्रता दिएका प्रमुख चार दलको बैठक आज पनि बस्दैछ ।
बैठक प्रधानमन्त्री निवास बालुवाटारमा आज बिहान दश बजेपछि बस्नेछ । ६ प्रदेशको संघिय संरचना जाने विषयमा केन्द्रित भएर दलहरुले छलफल अघि बढाएपनि प्रदेशको नामांकन र सिमांकनमा विवाद कायमै रहेको एमाले उपाधयक्ष भिम रावलले जानकारी दिनु भयो ।
उहाका अनुसार संघियता र निर्वाचन प्रणालीका विषयमा दलहरुबीच एकसाथ छलफल हुदैछ । प्रदेशको नामांकन र सिमांकन अहिले नै तोक्ने या आयोग मार्फत पछि समाधन खोज्ने भन्ने विषयमा आजको छलफल केन्द्रित हुने नेताहरुले बताएका छन् ।
६ प्रदेशमा जाँदा साझा पहिचानको नाम दिनुपर्ने एकिकृत नेकपा माओवादीको पहिलो शर्त रहेको छ । एमाओवदीले साझा पहिचानका आधारमा प्रदेशको नाम भए सिमांकनको विवाद आयोग मार्फत समाधन गर्न उल्लेख गरेको छ ।
कांग्रेस एमालेले भने नामांकनको जिम्मा सम्न्धित प्रदेश सभालाई दिने र सिमांकनको विवाद संघिय आयोग मार्फत टुङ्गो लगाउनु पर्नेमा जोड दिदै आएका छन् ।
