काठमाडौ, २१ जेठ
प्रमुख दलहरुले संविधानका विवादित अन्र्तबस्तु र सहमतिको सरकार गठन गर्ने विषयमा आन्तरिक र द्धिपक्षीय छलफललाई तिब्रता दिएका छन ।
आज बिहान प्रधानमन्त्री निवास बालुवाटारमा बसेको काग्रेस पदाधिकारीको बैठकले संविधान जारी गर्ने विषयमा सकेसम्म लचिलो भएर प्रस्तुत हुने निष्कर्स निकालेको उपसभापति रामचन्द्र पौडेलले जानकारी दिनुभयो ।
पौडेलका अनुसार बैठकमा संघीयतामा ६ प्रदेश र ५ प्रतिसत थ्रेस होल्ड राख्ने विषयमा सबैको सहमती भएको छ ।
त्यस्तै आजै एमाले र एमाओवादीका शिर्ष नेताहरुवीच छलफल भएको छ । एमाले संसदीय दलको कार्यालयमा भएको छलफलमा एमाले अध्यक्ष केपी ओली, बरिष्ठ नेता माधवकुमार नेपाल, एमाओवादी अध्यक्ष पुष्पकमल दाहाल प्रचण्ड र डा. बाबुराम भट्टराईको सहभागिता थियो ।
दुई दलवीच ६ प्रदेश र नामाङकन, सीमाङकन प्रदेश सभा वा विज्ञलाई जिम्मा दिने नभए थाति राखेर जाने विषयमा छलफल भएको थियो । उनीहरुवीच छिटो सहमति गरेर सहमतिको सरकार निर्माणमा लाग्नु पर्नेमा मत मिलेको बताईएको छ ।
