काठमाडौ ,१६ जेठ ।
न्यायधिश नियुक्तिको सिफरिस बारे छलफल गर्न न्यायपरिषदको बैठक आज बस्दैछ । बिहान ११ बजेका लागि बोलाइएको आजको बैठकले सर्बोच्च अदालत सहित अन्य अदालतमा रिक्त रहेका न्यायधिश पदपूर्तिका लागि सिफरिस गर्ने स्रोतले जनाएको छ ।
केही दिनमै परिषदको अर्का सदस्य खेमनारायण डुङ्गानाको समेत कार्यकाल सकिने भएपछि परिषदले बिदाका दिन भएपनि न्यायधिश नियुक्तिको सिफरिस बारे छलफल गर्न बैठक बोलाइएको हो ।
यसअघि राजिनामा दिएका उपेन्द्र केशरी न्यौपानेको ठाउँमा बार एसोसिएसनले अर्को सदस्य पठाउन नसकेपछि एक सदस्य पद रिक्त रहेको अवस्थामा परिषदका अर्का सदस्य खेम नारायण डुङ्गानाको पनि पद अवधि आगामी मंगलबर सकिने भएपछि त्यसअघि नै न्यायधिश नियुक्ति सिफरिसका लागि परिषद जुटेको हो ।
डुङ्गानाको समेत पद अवधि सकिएमा न्यायधिश नियुत्ति प्रक्रिया अघि बढ्न नसक्ने भएपछि तत्काल सर्बोच्च, पुनरावेदन र जिल्ला अदालतमा रिक्त न्यायधिश नियुत्ति गर्ने परिषदको तयारी छ । हाल सर्बोच्चमा ३ स्थायी, पुनरावेदनमा २ र जिल्ला अदालतमा केही न्यायधिश पद रिक्त छ ।
