काठमाण्डौ,१३ जेठ ।
भूकम्प प्रभावित जिल्लाको पुनर्निर्माणका लागि तत्कालीन र दिर्घकालीन कार्ययोजना बनाउने बिषयमा छलफल गर्न उच्चस्तरीय राष्ट्रिय पुनर्निर्माण परामर्श समितिको बैठक आज पनि बस्दै छ ।
अपरान्न ४ बजे बस्ने बैठकमा भूकम्प पछिको उद्धार र राहत वितरणका साथै पुननिमार्ण लगायतका बिषयमा छलफल हुने बताइएको छ । बैठकले भुकम्प पिडीतको पुनस्र्थापन पुर्ननिमार्णका लागि अल्पलीन र दिर्धकालीन योजना बनाएर सरकारलाई सुझाव दिनेछ । दिउसो २ बजे बैठक बस्ने बताइए पनि नेताहरुको कार्यब्यस्तताका कारण अपरान्नका लागि सारीएको हो ।
भूकम्पपछिको पुनर्निर्माण र पुर्नस्थापनामा परामर्श गरि कार्ययोजना बनाउन भन्दै गत बिहिवार मन्त्रीपरिषद्को वैठकले प्रधानमन्त्री कोइरालाको नेतृत्वमा पूर्व प्रधानमन्त्री, प्रमुख दलका शिर्षस्थ नेता, मन्त्री तथा उच्च अधिकारी सम्मिलित उच्चस्तरिय समिति गठन गरेको थियो ।
