काठमाण्डौ ,९ जेष्ठ ।संसदको राष्ट्रिय विपद अनुगमन तथा निर्देशन विशेष समितिको बैठक आज पनि बस्दै छ । दिउसो १ बजे बस्ने बैठकमा भुकम्पबाट अति प्रभावित जिल्लाको स्थलगत अनुगमन गरी फर्किएका संसदिय टोलीले प्रतिवेदन बुझाउने छन् । हिजो प्रतिवेदन बुझाउन बाकी १० जील्लाका टोलीले आज प्रतिवेदन बुझाउनेछन् ।
बैठकमा टोलीले प्रतिवेदन प्रस्तुत गर्नुका साथै सो क्षेत्रको वास्तविक बस्तुस्थीति ,पिडितले राहत पाए नपाएको र तत्कालका आवश्यत्ताहरुका बारेमा पनि जानकारी गराउनेछन् ।
हिजोको बैठकमा धादिङ ,सिन्धुपाल्चोक ,सिन्धुली र ओखलढुङगाको अनुगमन टोलीले प्रतिवेदन बुझाउदै सरकारलाई पिडितसामा तत्काल राहत पुर्याउन सरकारलाई सुझाव दिएका थिए ।
अधिकाशं सभासदले सरकार र गैरसरकारी पक्ष कसैबाट पनि विकट गाउमा राहत नपुर्याको भन्दै राहत र अस्थाई आवाश तत्काल पिडित सम्म पुर्याउन आग्रह गरेका थिए ।
भुकम्प प्रभावित क्षेत्रको अवस्था र जनताको समस्याबारे जानकारी लिन संसदले बिभिन्न १४ वटा टोली गठन गरी जिल्ला पठाएको थियो ।
