जेठ ५, काठमाडौं । सरकारले भूकम्पबाट अति प्रभावित ६ जिल्लामा अस्थायी बसोवास योजना निर्माणका लागि भुगर्भ्विद् सहितको टोली अनुगमनका लागि पठाउने तयारी गरेको छ ।
अनुगमन टोली परिचालनका लागि ९ सदस्यीय उच्चस्तरीय कार्यदल गठन गरेको उद्योग मन्त्रालयले जनाएको छ ।
खानी तथा भूगर्भ विभागका महानिर्देशक सर्वजीत महतोको नेतृत्वमा गठित कार्यदलमा खानी विभाग, इसिमोड, त्रिभुवन विश्वविद्यालयका प्राध्यापक, भूगर्भवीद र नेपाल भौगर्भिक समाजको प्रतिनिधि सदस्य रहेका छन् ।
भोलीबाट प्रभावित जिल्लामा खटिने १८ वटा टोलीमा ३र३ जना भुगर्भ्विद रहने उद्योगमन्त्री महेश बस्नेतले जानकारी दिनुभयो ।
कार्यदलले पेश गरेको प्रतिवेदनका आधारमा गृहमन्त्रालयले अस्थायी पुर्नवास कार्यक्रमको तयारी गर्ने मन्त्री बस्नेतले बताउनु भयो ।
अनुगमन टोलीले गोरखा, सिन्धुपाल्चोक, दोलखा, रसुवा, नुवाकोट र धादिडमा स्थलगत निरिक्षण तथा स्याटेलाइट डाटाको आधारमा एक साता भित्र प्रतिवेदन पेश गर्नेछ ।
