काठमाडौ, २९ बैशाख ।
सरकारले भूकम्प प्रभावितको राहत, उद्धार र पुनर्निर्माणमा स्वयमसेवक परिचालन गर्ने तयारी गरेको छ । भूकम्प प्रभावित जिल्लामा स्वयंसेवक परिचालनका लागि कार्यविधि बनाउन युवा तथा खेलकुद मन्त्रालयले छलफल सुरु गरेको छ ।
कार्यविधिलाई आगामि मन्त्रिपरिषदको बैठकबाट पारित गरी कार्यान्वयनमा ल्याउने तयारी भइरहेको युवा तथा खेलकुदमन्त्री पुरुषोत्तम पौडेलले जानकारी दिनु भयो । हालसम्म आ आफ्नो हिसावले स्वयंसेवक परिचालन भएको बताउदै मन्त्री पौडेलले लामो समयसम्म स्वयंसेवा गर्नेहरुका लागि सरकारले एउटै छातामा ल्याउन कार्यविधि बनाउन बताउनु भयो ।
कार्यविधि बनेपछि स्काउट, गैरसरकारी निकाय, क्लबका प्रतिनिधिलाई भूकम्प प्रभावित क्षेत्रमा व्यवस्थित रुपमा परिचालन गरिने उहाको भनाई छ । कार्यविधिमा अल्पकालीन र दिर्घकालीन स्वयंसेवाका लागि दुई चरणमा विभाजन गरिनेछ ।
