बैशाख २८ काठमाण्डौं । 
बैशाख १२ गतेको महाभुकम्प पछि नेपालमा उद्धार तथा राहत र उपचारका लागि आएका विदेशी सेनाहरु सबै आगामी जेष्ठ १७ गते भित्र फिर्ता भईसक्ने नेपाली सेनाले जनाएको छ ।
आज सैनिक मुख्यालयमा पत्रकार सम्मेलन गरी नेपाली सेनाका प्रवक्ता जगदिश चन्द्र पोखरेलले सो कुराको जानकारी दिनु भएको हो । विभिन्न ६ देशका सैनिक फर्किसकेको , ५ देशका सेनाले फर्कने मिति तोकेको र र बाकी सेनाले मिति नतोके पनि जेष्ठ १७ भन्दा उता नरहने बताउनु भयो ।
त्यसै गरी अब कुनै पनि देशको सेना नआउने प्रवक्ता पोखरेलले बताउनु भयो ।
भूकम्प पछि नेपालमा १८ देशका कूल ४ हजार १ सय ७५ सैनिक नेपाल आएका थिए । सरकारले अघिल्लै साता विदेशी सेनालाई फिर्ता हुन आदेश दिए पनि उनीहरु फर्किएका थिएनन् । खास गरी भारतीय सेनाले फर्कने विषयमा अटेर गरेको खबर सार्वजनिक भएको थियो ।
नेपालमा अझै पनि ७ सय ४ जना भारतीय सैनिक रहेका छन् । आधा जति भारतीय सेना फिर्ता भईसकेको छ ।
भारतपछि धेरै विदेशी सैनिक चीनबाट आएका थिए। नेपाल आएका कूल ९ सय ४२ जना चिनियाँ सैनिकमध्ये हालसम्म ९८ जनामात्र स्वदेश फकिर्एका छन ्। बाँकी ८ सय ४४ चिनियाँ सैनिकले पनि मेको अन्तिमसम्म स्वदेश फकिर्ने बताएका छन् । सेनाका अनुसार नेपाल आएका २ हजार २ सय १६ विदेशी सैनिक स्वदेश फर्कन बाँकी छन् ।
घाइतेको उपचार र उद्धारका लागि नेपाल आई पूर्ण संख्यामा स्वदेश फकिर्नेमा मलेसिया, पोल्यान्ड, सिंगापुर, अल्जेरिया, बंगलादेश, स्पेन र श्रीलकाका सेना छन्। नेपाली सेनाका अनुसार मलेसियाबाट ४७, पोल्यान्डबाट ८१, सिंगापुरबाट १ सय ८२, अल्जेरियाबाट ७३, बंगलादेशबाट १९, स्पेनबाट ६० र श्रीलंकाबाट १ सय ४१ सेना नेपाल आएका थिए ।
पाकिस्तानबाट नेपाल आएका कूल ८४ सैनिकमध्ये हालसम्म ३५ जना फर्केका छन् । बाँकी ४९ जना पाकिस्तानी सैनिक जेठ १ गते स्वदेश फकिर्ने नेपाली सेनाले जनाएको छ । यस्तै, थाइल्यान्डबाट आएका ५४ सैनिकमध्ये १७ जना स्वदेश फकिर्सकेका छन् । बाँकी ३७ थाई सैनिक जेठ १ गते फकिर्ने कार्यक्रम तय भईसकेको छ ।
नेपालमा भारतीय सेनाले चीनीया हवाई सीमामा उडान गरेको , त्रिभुवन अन्तराष्ट्रिय विमानस्थलमा अनावस्यक ईन्गेज गरेको जस्ता विभिन्न विषयमा आलोचना हुदै आएको थियो ।
