वैशाख २८ ।
बलिउड अभिनेता रणवीर कपुर र अभिनेत्री कटरीना केफको विवाह अर्को वर्ष हुने भएको छ । लामो समयदेखि कटरीनासँग विवाह गर्ने विषयमा चुप रहँदै आएका अभिनेता रणवीरले अन्ततः मौनता तोडेका छन् ।
झण्डै चार वर्षदेखि प्रेम सम्बन्धमा रहेका रणवीर र कटरीनाको विवाह हुनेरनहुने वा कहिने हुने भन्ने प्रश्नमा अब पूर्ण विराम लागेको छ । अभिनेता रणवीरले आन्नद बजार पत्रिकालाई दिएको अन्तर्वातामा अर्को वर्ष विवाह गर्ने बताएका हुन् ।
उनले भने ‘यो वर्ष हामी दुवै व्यस्त रहने भएकाले विवाहका लागि समय मिल्दै । तर आउँदो वर्षको अन्तिमसम्ममा विवाह बन्धनमा बाँधिने छौं । हामी दुवै यो विषयमा सहमत पनि भैसकेका छौं ।’
रणवीरले अगाडि भनेका छन् ‘अब हामी दुवै विवाहका लागि तयार छौं, अब पनि यो सम्बन्धलाई स्वीकार गरिएन भने यो यस सम्बन्धको अपमान हुनेछ ।’ अरुले के भन्छन् भन्नेमा आफूलाई कुनै चासो नरहेको रणवीरले बताए ।
उनले भने ‘म ३३ वर्षको भए र यो विवाहका लागि उपयुक्त उमेर हो ।’ आफूहरु दुवैका लागि यो निर्णय निकै महत्वपूर्ण रहेको र समझदारीमा निर्णय लिइएको रणवीरको भनाई छ । रणवीर र कटरीना केही समय अघि मुम्बइको बान्द्रा क्षेत्रमा एउटै घरमा बस्न सुरु गरेपछि विवाहको चर्चा चलेको थियो ।
– एजेन्सी
