तपाईले मानिसले मन्दिरमा प्रार्थना र पुजा गरेको त देख्नु भएकै होला । तर, यो खबर पढेपछि तपाईले आफ्नो राय परिवर्तन गरे हुन्छ ।
किनभने चीनको झेजिआंगमा एक सुगुरले बौद्ध मन्दिरमा शिर निहुराएपछि प्रसिद्ध भएको छ। १५० किलोको सुगुर आफ्नो फार्मबाट भाग्यो र नजिकैको मन्दिरमा पुग्यो ।
मन्दिरमा सुगुरले निहुरिएर शिर निहुरायो । त्यहाँ वरपर रहेकाहरुका अनुसार सुगुर निकैबेरसम्म प्रार्थना गरिरह्यो । जब एक जना बौद्ध गुरु आएर केही मन्त्र सुनाए तब सुगुर सरासर फार्मतिर गयो ।
जतिबेला सुगुर मन्दिरमा शिर निहुराएर प्रार्थना गरिरहेको थियो, त्यहाँ ठुलो संख्यामा पर्यटक सुगुरको भिडियो र फोटो खिचिरहेका थिए ।
एक व्यक्तिले लेखेका छन्–सुगुर चीनको नयाँ वर्षका लागि पूजा गरिरहेको थियो । दोस्रो व्यक्तिका अनुसार सुगुर भोकै थियो र खाने कुराको खोजीमा निस्केको थियो । तेस्रो व्यक्तिको मतअनुसार सुगुर विमार थियो ।
तर, सुगुरका मालिक आफ्नो सुगुरको प्रसिद्धिबाट अन्जान थिए । उनले सुगुर मासुका लागि पालेका थिए । सुगुर मालिक हुआंग हुले भने–म लामो समयदेखि सुगुर पालिरहेको छु । तर, कहिल्यै पनि यस्तो देखिनँ ।
उनले भने–यदि यस्तो पहिला नै थाहा पाएको भए म उसलाई मार्ने थिइनँ । एजेन्सी
