काठकाडौ, २६ वैशाख ।
गत वैशाख १२ को विनाशकारी भूकम्पका कारण झापको ३२ ओटा विद्यालयमा क्षति पुगेको छ । हालसम्म ३२ वटा विद्यालयको भवनमा क्षति पुगेको प्रारम्भिक जानकारी प्राप्त भएको जिल्ला शिक्षा अधिकारी डिल्लीराम लुइँटेलले जानकारी दिनु भयो । कतिपय पुराना भवन ढल्ने अवस्थामा छन् भने नयाँ भवनमा पनि क्षति पुगेको छ ।
भूकम्पपछि जिल्लाका ३२ वटा विद्यालयले क्षतिको विवरण सहित पुनरनिर्माणका लागि आवेदन दिएको जिल्ला शिक्षा कार्यलय झापाले जनाएको छ । अधिकांश विद्यालयले तत्काल पुनरनिर्माणका लागि बजेट निकासा गरिदिन समेत माग गरेका छन् ।
यस्तै भूकम्पका कारण जिल्लाका विद्यालयमा भएको क्षतिको विवरण संकलन गरी बस्न योग्य भए नभएको जाँच गर्नका लागि चार जनाको प्राविधिक टोली परिचालन गरेको छ । इन्जिनियर सहितको प्राविधिक टोलीले क्षतिग्रस्त क्षेत्रको आवश्यक अध्ययन गरेपछि बुझाएको प्रतिवेदनका आधारमा आवशयक कदम चाल्ने शिक्षा अधिकारी लुइँटेलले बताउनु भयो ।
