महाभुकम्पमा परी ज्यान गुमाएकाहरुको सम्झनामा कलाकर्मीहरुले मैनवत्ति बालेर तीन मिनेट मौनधारण गरी शोक मनाएका छन् । उनीहरुले गत वैशाख १२ गते गोरखाको बार्पाकलाई केन्द्रबिन्दु बनाएर गएको विनाशकारी भुकम्पमा परि असामयिक रुपमा ज्यान गुमाएकाहरुको सम्झनामा मृतकहरुको आत्माको चिरशान्तिको कामना गरेकाहुन् ।
प्रज्ञाप्रतिष्ठानमा फिल्मकर्मी, संगीतकर्मी, नाट्यकर्मी तथा संचारकर्मीहरुले संयुक्त रुपमा भूकम्पमा मृत्यू भएका ७ हजार बढीको नाममा शोक धुन बजाएर तीन मिनेट मौनधारण गरेका थिए । मृतकहरूको सम्झनामा प्रतिष्ठानको डबलीमा मैनबत्तीबाट हार्दिक श्रध्दाञ्जली लेखिएको श्रद्दा सुमनमा नेपाली कलाकारहरुले हातमा लिएका मैनबत्तीले प्रज्वलित गरेका थिए। सो कार्यक्रममा भर्खरै कलाक्षेत्रमा प्रवेश गरेका नयाँदेखी पुराना कलाकर्मीहरुको उपस्थिति थियो ।
मृतकहरुको चिरशान्तिको कामना गर्दै चलचित्र क्षेत्रका हस्तिहरु करिश्मा मानन्धर, रेखा थापा, झरना थापा, नम्रता श्रेष्ठ, कोमल वली, केदार घिमिरे(माग्ने बुढा), वील्सन विक्रम राई, इन्दिरा जोशी लगायत कलाकर्मीहरुको सहभागीता थियो ।
